O Deportivo, dividido en dous grupos, realizou un adestramento táctico esta mañá co Fabril, no campo 2 da Cidade Deportiva de Abegondo.
Ás 11:00 horas, Seedorf traballou con defensas e mediocentros: Luisinho, One, Albentosa, Bóveda, Juanfran, Schär, Quique Fornos, Navarro, Gerard, Rubén, Koval, Tytoń, Krohn-Dehli e Celso Borges.
Finalmente, ás 11:45 horas estiveron sobre o campo mediocentros e atacantes: Lucas, Andone, Bakkali, Adrián, Çolak, Valverde, Cartabia, Carles Gil, Borja Valle e Pedro Mosquera.
Adestrouse á marxe Sidnei; e Guilherme quedou no seu domicilio cun proceso gripal que lle impediu traballar onte pola tarde.
Ao mediodía, os futbolistas reuníronse para comer no Hotel Meliá María Pita ás 14:00 horas e pola tarde volven aos adestramentos ás 17:30 horas.
Posicionamento táctico e partido na sesión vespertina de hoxe mércores
Un traballo de posicionamento táctico con dous 'onces' no campo 2 e un partido no campo 3 da Cidade Deportiva foron as tarefas principais do Deportivo nesta tarde fría e chuviosa.
Durante a primeira parte de táctica, Clarence Seedorf parou constantemente o xogo e intercambiou impresións cos seus futbolistas.
Adestráronse os fabrilistas One e Quique Fornos. Ademais, Sidnei tivo tratamento médico e de fisioterapia; e Guilherme foi a única ausencia, afectado dun proceso gripal.
Mañá xoves haberá de novo dobre quenda de adestramento, ás 11:30 e 17.30 horas. O Dépor comerá de novo ás 14:30 horas no Hotel Meliá María Pita.
