O Deportivo retomou esta mañá os adestramentos en Abegondo, coa mente posta na visita ao FC Barcelona, prevista para este domingo 17 de decembro no Camp Nou (20:45, Movistar Partidazo), pertencente á 16ª xornada de LaLiga Santander.
O adestramento de hoxe, co fabrilista Francis, arrincou no ximnasio, cun traballo de forza. Xa de regreso ao campo, uns rondos, un exercicio de posesión e un partido a medio campo puxeron o punto e final ao traballo sobre o céspede.
Luisinho, aínda sen alta médica, completou o adestramento co grupo. Bruno Gama realizou unha parte e quedaron no vestiario Saúl, con gastroenterite, e Gerard Valentín, cunhas molestias nos isquiotibiais, pendente de avaliación médica. A única ausencia foi a de Fede Cartabia, que hoxe mesmo recibiu o alta hospitalaria no centro médico CUF do Porto, onde foi operado onte á noite.
Mañá mércores, o equipo está citado de novo en Abegondo ás 11:00 horas.
