O Deportivo coñecerá mañá venres 3 de decembro a partir das 12:00 ao seu rival na segunda eliminatoria da Copa do Rei, que se xogará o próximo 14, 15 ou 16 de decembro a partido único no campo do equipo de inferior categoría ou, de ser ambos da mesma, no campo do equipo cuxa bóla sexa extraída en primeiro lugar.
O sorteo, que será no salón Luis Aragonés da Ciudad del Fútbol de Las Rozas (Madrid), poderase seguir polas canles oficiais da RFEF.
William de Camargo afirmou esta tarde que "nos dá igual quen toque, pero si que nos gustaría que viñese un bo equipo, grande, un equipo de Primeira ou de Segunda para poder ver o nivel que realmente temos".
Ademais do Deportivo, entran no sorteo estes 55 equipos para xogarse o pase a dezaseisavos de final:
-Primeira División: Sevilla FC, RCD Espanyol, RCD Mallorca, Real Sociedad, Real Betis, Deportivo Alavés, Granada CF, Villarreal CF, Getafe CF, RC Celta, Levante UD, CA Osasuna, Valencia CF, Rayo Vallecano, Elche CF e Cádiz CF.
-Segunda División: UD Las Palmas, Real Zaragoza, UD Ibiza, CF Fuenlabrada, SD Amorebieta, SD Ponferradina, CD Mirandés, SD Huesca, Real Valladolid, Sporting de Gijón, FC Cartagena, AD Alcorcón, Burgos CF, UD Almería, SD Eibar, Málaga CF, Girona FC, CD Lugo, CD Tenerife e CD Leganés.
-Primera RFEF: Unionistas de Salamanca CF, UD San Sebastián de los Reyes, CF Talavera de la Reina, Zamora CF, CyD Leonesa, CD Atlético Baleares, Linares Deportivo, FC Andorra, Atlético Sanluqueño CF, Albacete Balompié, CD Alcoyano, CD Castellón e CF Rayo Majadahonda.
-Segunda RFEF: Bergantiños CF, Atlético Mancha Real, CE Andratx, CD Arenteiro, UD Llanera e CD Cristo Palencia Atlético.
