O Dépor Genuine emprendeu viaxe a Burgos, onde participará esta fin de semana na terceira fase de LaLiga Genuine 2023-2024.
A expedición branquiazul saiu por estrada cara a Burgos ás 10:30 desta mañana. O regreso producirase o domingo pola tarde.
O equipo deportivista disputará tres encontros, como é habitual, que nesta ocasión terán como escenario a Ciudad Deportiva Burgos Promesas 2000. Mañá sábado medirase ao Fundación Albacete pola mañá e ao Elche CF pola tarde, mentres que na matinal do domingo enfrontarase ao FC Andorra.
Os 16 convocados para esta xornada son José Manuel Serrano, Daniel Trasancos, Gabriel Cives, Samuel Martínez, Álex Rey, Iván Bernárdez, Andrés Manuel Barbeito, José Antonio Cagiao 'Ton', Alejandro Gómez, Anxo Martínez, Roi González, Daniel José Granell, Álvaro García, Álvaro Vidal, Alberto Piñeiro e Xosé Marquina 'Minchi'. Xunto a eles viaxarán os técnicos Lucía Otero, Carlos García Collazo e Breogán López e a delegada María Losada.
O conxunto branquiazul conta esta temporada co patrocinio de Duacode, Vales & Asociados, Quirónsalud e Ontime.
O plan de viaxe e competición do Dépor Genuine é o seguinte:
Venres 10 de maio
10:30: Saída do bus desde a DéporTienda ABANCA-RIAZOR
18:00: Chegada aproximada a Burgos e aloxamento no hotel Crisol Puerta de Burgos
19:00: Acto de benvida no Estadio de El Plantío e asistencia ao partido de Liga entre Burgos CF e CD Eldense
Sábado 11 de maio
12:00: DÉPOR GENUINE - FUNDACIÓN ALBACETE, na C.D. Burgos Promesas 2000 (campo 3)
17:30: DÉPOR GENUINE - ELCHE CF, no C.D. Burgos Promesas 2000 (campo 2)
Domingo 12 de maio
10:00: FC ANDORRA - DÉPOR GENUINE, no C.D. Burgos Promesas 2000 (campo 1)
12:30: Saída do autocar desde Burgos
19:30: Chegada aproximada á Coruña
O calendario de competición da sexta edición de LaLiga Genuine é o seguinte:
1ª fase:
Tarragona (Nou Estadi e C.E. Futbol Salou, 17, 18 e 19 de novembro de 2023)
2ª fase:
Cádiz (C.D. Bahía de Cádiz, 2, 3 e 4 de febreiro de 2024)
A Coruña (C.D. Abegondo, 15, 16 e 17 de marzo de 2024)
3ª fase:
Santa Cruz de Tenerife (C.D. Javier Pérez, 12, 13 e 14 de abril de 2024)
Burgos (C.D. Burgos Promesas 2000, 10, 11 e 12 de maio de 2024)
4ª fase:
Getafe (C.D. Fernando Santos de la Parra, 7, 8 e 9 de xuño 2024)
