Após a última xornada de apertura da Oficina de Atención ao Deportivista en 2019, con 11 renovacións e 5 novas altas, o Real Club Deportivo pecha o ano cun total de 23.278 socios.
Do total, 2.647 son novas altas, 946 son socios amigo e 381 Nen@ Dépor.
Aínda é posible facerse socio do Dépor para a segunda volta do campionato con prezos reducidos respecto ao comezo da campaña.
É posible conseguir un abono do Deportivo pagando entre 50 e 357 euros en función das bonificacións (sub-25, ADN Branquiazul, estudantes, desempregados, discapacitados, maiores de 65 ou especial niñ@s).
Os abonos poden comprarse na Oficina de Atención ao Deportivista, na avenida de La Habana (entrada Palcos VIP do Estadio ABANCA-RIAZOR), aberta de luns a venres de 10:00 a 13:30 e de 16:30 a 19:00 horas.
