O Dépor, que incorpora ao fabrilista Álex Cobo, estrea mañá luns a fase 3 do protocolo de LaLiga

O porteiro fabrilista Álex Cobo incorpórase mañá luns aos adestramentos do Deportivo, que estrea esta semana a Fase 3 do protocolo de volta aos adestramentos de LaLiga.

Nesta fase están permitidos os adestramentos en 3 grupos dun máximo de 10 xogadores.

Así pois, os técnicos branquiazuis estableceron mañá 3 quendas de adestramento pola mañá (09:30, 10:40 e 11:45) e outras 3 pola tarde (17:30, 18:30 e 19:30), pois está previsto dobre quenda de traballo.

Os futbolistas non poderán utilizar os vestiarios e si o ximnasio; e accederán á Cidade Deportiva a unha zona do aparcadoiro especialmente reservada para cada un dos grupos.

Finalmente, poderán recibir charlas técnicas de Fernando Vázquez, en todo momento ao aire libre.