O resultado do partido entre o Deportivo ABANCA B e o CD Valladares en Abegondo (15-0) dio todo. O encontro corresponde á 5ª xornada e foi aprazado o pasado 21 de novembro por un caso positivo de COVID-19 no conxunto vigués.
Kevin Cabado, técnico deportivista, puido contar hoxe ademais con futbolistas que habitualmente se adestran e xogan co Deportivo ABANCA na Primera Iberdrola, caso de Patri López, Sara Álvarez, Eva Dios ou Carlota.
A diferenza entre ambos os equipos quedou así patente sobre o terreo de xogo.
Lucía -4-, Eva Dios -3-, Andrea Ansede -3-, Marta Rico -2-, Carlota, Lara e Patri López foron as goleadoras do Deportivo ABANCA B.
Con este resultado, o Deportivo ABANCA B suma 13 puntos e lidera provisionalmente o subgrupo A do grupo 1º de Primeira Nacional após 6 partidos xogados. O Viajes InterRías FF, segundo clasificado, ten 12 puntos pero un encontro menos que as deportivistas.
Deportivo ABANCA B: Jessica, Patri López, Sara Álvarez, Rivas, Uxía, Nuria Torres, María Figueroa, Tati, Eva Dios, Carlota e Lucía. Tamén xogaron: Navia, Andrea Ansede, Paula Novo, Lara e Marta Rico.
Esta fin de semana toca descanso para o Deportivo ABANCA B, que retoma a liga a fin de semana do 19 e 20 de decembro en Abegondo ante o Sárdoma CF.
Os resultados do Dépor ABANCA B en liga son os seguintes:
Deportivo ABANCA B 9 (Aroa -4-, Eva Dios -2-, María Calvo -2- e Navia) - Umia CF 0
Viajes InterRías FF 3 - Deportivo ABANCA B 1 (Nuria Torres)
Deportivo ABANCA B 3 (María Calvo, Carlota e unha futbolista rival en propia meta) - Victoria FC 1
UD Mos 1 - Deportivo ABANCA B 1 (Tati)
Deportivo ABANCA B 15 (Lucía -4-, Eva Dios -3-, Andrea Ansede -3-, Marta Rico -2-, Carlota, Lara e Patri López) - CD Valladares 0
Atlético Arousana 1 - Deportivo ABANCA B 2 (Eva Dios e Nuria Torres)
