O Deportivo ABANCA preparará desde hoxe luns pola tarde a seguinte cita ligueira, a visita ao FC Barcelona prevista para o sábado 17 de abril ás 12:00 no Estadio Johan Cruyff (Tededeporte). O choque corresponde á 26ª xornada na Primera Iberdrola.
Peke, que se proclamou onte en Zubieta campioa coa selección de Euskadi da Basque Country International Cup, xa se adestrará hoxe. A partir de mañá martes sumaranse as outras dúas xogadoras do Deportivo ABANCA que estiveron presentes no devandito torneo, neste caso con Venezuela: Kika e Michelle Romero.
Hoxe adestrarán, como é habitual, Patri López, Carlota e Eva Dios, que foron titulares o pasado sábado co Deportivo ABANCA B no primeiro partido da Fase polo Título de Primeira Nacional, grupo 1C, fronte ao Oviedo Moderno CF B.
Manu Sánchez terá antes do partido en Barcelona cinco sesións de traballo, catro na Cidade Deportiva e a última o venres pola tarde xa na cidade catalá. O equipo branquiazul pechará a semana o domingo, tralo partido, cun último adestramento matinal tamén en Abegondo.
A planificación semanal do Deportivo ABANCA, sempre susceptible de sufrir variación por razóns técnicas, é a seguinte:
Luns 13 de abril
17:30 h
Martes 14 de abril
16:30 h
Mércores 15 de abril
16:30 h
Xoves 16 de abril
17:30 h
Venres 17 de abril
18:00 (pendente de confirmación): Adestramento en Barcelona
Sábado 18 de abril
12:00: FC Barcelona - Deportivo ABANCA, no Estadio Johan Cruyff
Domingo 19 de abril
10:00 h
