O Deportivo cae ante o Osasuna no debut ligueiro en Riazor
O Deportivo caeu por 1 gol a 3 ante Osasuna no primeiro partido de Liga en Riazor. Adiantáronse os branquiazuis con gol de Pandiani e despois pareceron dominar o partido. Tras o descanso, Aloisi e Milosevic, en dúas ocasións, remontaron o partido.
Chegouse ao descanso en Riazor con vantaxe provisional no marcador para o Deportivo cun gol de Pandiani aos 19 minutos. A partir dese tanto xogaron mellor e máis cómodos. Na continuación o Osasuna foise facendo co centro do campo e Aloisi empataba. Despois, e a pesar da expulsión de Izquierdo, o conxunto de Javier Aguirre foise arriba e logrou remontar o resultado con dous goles de Milosevic.
Derrota local en Riazor dun Deportivo que regresa este luns ás 11 ao traballo na cidade deportiva de Abegondo, O Mundo do Fútbol, para preparar o compromiso do mércores ante o Olympiakos.