O Deportivo despide o ano cunha vitoria ante a súa afección
O Deportivo gañou en Riazor por dous goles a cero ao Betis nun partido xogado de poder a poder, entretido, con ocasións de gol e, o máis importante, co tres puntos para os branquiazuis. Makaay e Sergio asinaron os goles que supoñen o agasallo de nadal ad
Deportivo e Betis xogaron de ti a ti en Riazor. No primeiro tempo, case sen tempo a situarse no campo, Sergio tenteou a Prats. Despois sería Valerón desde a media lúa o encargado de probar sorte de face a porta pero foi Makaay, no minuto 7, o encargado de marcar a pase de Fran dun tiro raso que bate á meta bético. Tristán tamén tivo as súas ocasións, sobre todo unha clarísima na que o balón foi despexado por Prats sobre a liña con serias dificultades. Joao Tomás foi o encargado de pór o perigo por parte do Betis, pero non tiveron acerto de face ao gol. E chegaríase ao descanso co un a cero a favor dos locais despois de moitos minutos de xogo no centro do campo.
Na continuación o ritmo do partido non decreceu e aínda que o Betis cortou varias xogadas en falta, algunhas con dureza, ambos os conxuntos gozaron de ocasións. Neste período houbo unha xogada polémica na área do Betis na que os sevillanos reclamaron penalti pero o colexiado non o considerou así. Makaay, Capdevila e Tristán a saque de falta tiveron as súas oportunidades, pero tampouco subiría o gol ata que Sergio rematou de cabeza ao fondo das mallas un contraataque impresionante do Depor que en tres toques plantouse na área bética e un gran pase de Victor que rematou o xogador catalán. Sergio dedicou o tanto á Cruz Vermella mentres, ao mesmo tempo, Duscher tivo un emocionante recordo para o seu país, que atravesa unha delicada situación. E con ese gol pechouse o marcador de Riazor, deixando o tres importantes puntos para os deportivistas.
O equipo comeza hoxe as súas vacacións de Nadal que se prolongarán ata o próximo día 30, en que a persoal se exercitará en Riazor pola tarde.
Aliñacións:
Deportivo: Molina, Naybet, Héctor, Donato, Capdevila, Sergio, Duscher, Valerón, Fran, Makaay e Diego Tristán.
Betis: Prats, Luís Fernández, Varela, Capi, Ito, Denilson, Filipescu, Benjamín, Joao Tomás, Rivas e Canas.
