Precisamente este tema foi un dos máis importantes e que máis interese levantaron no posterior coloquio, moderado polo responsable de Deportes de RNE na Coruña, Moncho Viñas,
debido á actualidade.
Esta mesma mañá o presidente branquiazul reuniuse co alcalde coruñés, Francisco Vázquez. A cordialidade e o total entendemento entre ambas as entidades foron tema de conversación no coloquio que seguiu á charla.
Augusto César Lendoiro insistiu durante o seu relatorio en que o Deportivo non é unha Sociedade Anónima normal, senón que é un Club de todos, "é o gran embaixador da cidade en todo o mundo. Pero insistiu en que todo é froito do agarimo dos 20.000 accionistas do Club coruñés e da cidade, porque "hai 12 anos o Deportivo contaba con 5.000 socios, 600 millóns de débeda e estaba a piques de descender en Segunda B e hoxe en día son 25.000 os socios, o persoal está valorada en miles de millóns e existe a posibilidade de gañar unha Liga".
"Pero se este salto foi espectacular, situándose agora o Deportivo entre a 100 primeiras empresas de Galicia, queremos que o salto máis bonito e importante está por chegar, coa creación dunha empresa, o Deportivo do século XXI, na que se involucre a moita xente allea ao mundo do fútbol: así se adquiriu a Praia Club como lugar de encontro e nuns meses haberá novidades no Club coa posta en marcha de novos e interesantes proxectos para o futuro do Club". En opinión do Presidente branquiazul, estes proxectos "porán distintos servizos ao alcance dos coruñeses, con lugares de lecer onde gozar, lugares de reunión e de encontro, representativos, para que o Deportivo chegue cada vez máis en todos os fogares".
