O Deportivo e Javier Irureta pactan de mutuo acordo abrir unha paréntese na súa relación
Javier Irureta deixou hoxe de ser adestrador do Deportivo. "As dúas partes entendemos que agora era un momento idóneo de abrir unha paréntese na nosa relación. É un ata logo, porque en calquera momento pódese volver renovar a relación", comentou o Pres
Quixo ademais o dirixente deportivista dar as grazas a Irureta
"por todo o que nos fixo vivir neste sete anos. Porque sempre transmitiu
día tras día o que nós entendemos como club".
Ademais, recalcou Lendoiro que "ata o momento non falamos con ningún
adestrador. A pesar de que queda pouco tempo para comezar a
pretemporada, entendemos que sería unha falta de respecto para o que era o noso
adestrador, Javier Irureta".
Pola súa banda, o técnico vasco quixo dar as grazas polo apoio
prestado en todos estes anos, "ao club, que sempre se portou ben comigo,
á cidade, que me deu moitas mostras de agarimo e tamén a todos vós,
os medios de comunicación". Asegura que Galicia "me deu moito neste oito
anos, contando co ano de Vigo, e seguro que serán anos indelebles para o meu
os que vivín aquí".
Finalizou a súa intervención lembrando que el, sendo adestrador da
Real Sociedade, viu ao Girondins de Bordeus xogar a Copa Intertoto na cidade
francesa ante o Milán. "Recordo que xogaba Zidane e Lizerazu no Girondins,
e acabaron gañando a UEFA", concluíu.
