O Real Club Deportivo e Raúl Albentosa Redal chegaron a última hora de hoxe a un acordo para rescindir a vinculación contractual que lles unía até o 30 de xuño de 2020.
Deste xeito, o central valenciano deixa de pertencer á disciplina do Deportivo, que se aforra así os custos salariais do futbolista desta e a próxima temporada, ademais de reservarse un beneficio económico en futuras operacións.
O Real Club Deportivo quere agradecer a Raúl Albentosa o traballo realizado estas últimas temporadas no Club, desexándolle a maior das sortes no seu futuro profesional e persoal.
