Para o partido ligueiro en ABANCA-RIAZOR do Dépor este sábado 7 de decembro ás 18:30 ante o Real Zaragoza, o RC Deportivo consignará "O Día DÉ..." ao persoal de emerxencias que vela pola seguridade das persoas 365 días ao ano as 24 horas. Por medio desta proposta, destinaranse 24 prazas do Palco de Honra do Estadio a representantes de Seguridade Cidadá como Protección Civil, Bombeiros da Coruña, Policía Local, Cruz Vermella e Emerxencias de Galicia.
En cada encontro en ABANCA-RIAZOR esta temporada, máis da metade das localidades do Palco de Honra serán destinadas a un colectivo da cidadanía ou a un sector de #ANOSAFORZA, para facer a entidade máis próxima, dar protagonismo á masa social deportivista e agradecer o seu excepcional apoio unha temporada máis.
