Darío Martínez Germil (Santiago de Compostela, 27 de xuño de 2002), coñecido futbolísticamente como Darío Germil, reforza a dianteira do Fabril esta temporada.
Formado na canteira do ED Xuventude de Oroso e o RC Celta, firma pola SD Compostela (temporada 2022-23) en Segunda Federación, onde disputa 31 partidos e anota 10 goles.
A campaña pasada militou no Betis Deportivo do grupo IV de Segunda Federación, no que xogou 24 partidos.
Darío Germil chegou a debutar en Primera Federación nas filas do Celta Fortuna (temporada 2021-22), no que xogou 2 encontros.
Desta forma, o Fabril de Óscar Gilsanz vai collendo forma para esta nova campaña en Segunda Federación coas fichaxes xa confirmadas de Aarón Sánchez, Jaime Garrido, Dylan Iglesias, Íker Vidal, Bil, Fadil e Darío Germil; e as renovacións de futbolistas como Álvaro Mardones, David Domínguez, Rubén Vilela, Carreira, Álex Pereira e Hugo Ríos.
