O Fabril FC Benxamín, que esta fin de semana se adxudicou a Barcelos Cup en Barcelos (Portugal), inicia hoxe luns 19 de xuño a súa participación no Trofeo Mini Teresa Herrera, cuxa final se xoga en ABANCA-RIAZOR antes do Trofeo Teresa Herrera.
O rival fabrilista na eliminatoria previa, a partido único, será o Relámpago SD, ás 20:00 no campo da Leyma (agora Víctor Fernández Alonso).
O outro representante deportivista no torneo, o Benxamín A, arrancará o Mini Teresa Herrera en oitavos de final o mércores 21 de xuño, con rival aínda por determinar.
