Após lograr hai dúas semanas, coincidindo co último partido en casa do Dépor, o título de campión de Tercera Federación e o ascenso directo a Segunda Federación, o Fabril celebrará con todo o Deportivismo o seu éxito nos prolegómenos do Dépor-Alcorcón.
Ás 16:50, dez minutos antes do comezo do partido, unha vez os dous equipos conclúan o seu quecemento, o presidente da RFGF, Rafael Louzán, fará entrega, ao capitán do Fabril e a todo o cadro, do trofeo que os acredita como campións da categoría e que vén acompañado co premio do salto de categoría para o filial branquiazul.
Por iso o RC Deportivo anima e convida aos máis de 32.000 Deportivistas que dispoñen de carné ou entrada para o partido que accedan antes das 16:45 h. ao Estadio para poder homenaxear como se merece a este Fabril campión.
