Manuel Antonio Molina Valero (Huelva, 20 de novembro de 1991), coñecido futbolísticamente como Manu Molina, reforza o centro do campo do Fabril.
O futbolista andaluz chega a Abegondo por esta tempada e desde mañá mércores adestrarase ás ordes de Cristóbal Parralo.
Formado no Espanyol de Barcelona, co que chegou a debutar en Primeira División ante o Real Madrid, Manu Molina militou ademais na SD Huesca, a Valencia Mestalla e o Recreativo de Huelva da súa cidade natal.