Semana cargada de acontecementos para o Club branquiazul. Aos compromisos deportivos en UEFA Champions League e Liga, súmaselle o sorteo dos grupos do Mundial de Clubs que terá lugar este martes, ás 12:00, no Palacio de Congresos da Coruña.
Os doce equipos participantes son: Deportivo, Real Madrid, Galatasaray (Turquía), Xubilo Iwata (Xapón), AI-Hilal (Arabia Saudita), Wolongong (Australia), Hearst of OAK (Ghana), Zamalek (Exipto), Galaxy (Estados Unidos), Olimpia (Honduras), Boca Juniors (Arxentina) e Palmeiras (Brasil) e mañá coñecerán aos seus rivais repartidos en tres grupos. Cabe lembrar que o primeiro de cada grupo e o mellor segundo clasificaranse para as semifinais.
O calendario de partidos do Campionato Mundial de Clubs é o seguinte: Grupo A: Estadio de Riazor (Equipos A1, A2, A3 e A4) Grupo B: Vicente Calderón (Equipos B1, B2, B3 e B4) Grupo C: Santiago Bernabéu (Equipos C1, C2, C3 e C4)