O calendario desta fin de semana en ANOSACANTEIRA feminina está marcada pola gran final da Liga Galega cadete.
Fronte a fronte o Orzán SD Cadete cos seus internacionais Antía Veiga e Claudia Sande e o RC Celta.
O encontro xogarase no campo de O Viso de Arzúa a partir das 19:30.
O pasado mércores 28 As orzanistas golearon por 7-1 no campo de herba sintética de Abegondo ao Victoria CF no partido de volta das semifinais. Na ida venceron as blanquinegras por 1-0.
Pola súa banda, as celestes apearon en semifinais ao Atlético Arousana: 0-5 na Lomba (Vilagarcía) e 5-0 na Madroa (Vigo).
En canto ao resto de categorías, mañá sábado 31 de maio, na segunda fase da Liga Galega infantil, o Orzán SD A conclúe como campión o grupo 1A con un último partido ante o SCD Milagrosa, ás 12:30 no campo 2 da Torre.
O domingo 1 de xuño só xogarase un partido, o do Orzán SD Infantil B ante o Sporting Burgo, ás 10:00 no campo 3 da Torre, correspondente ao grupo 2A de a segunda fase da Liga Galega. As orzanistas marchan á fronte da táboa.
O calendario de partidos, cos resultados dos xa xogados, é o seguinte:
Liga Galega cadete
Semifinal, volta (mércores 28): ORZÁN SD CADETE 7 (Claudia Sande, Marta Moreno -2-, Carmen Couto -2-, Naiara Fontenla e Ángela Cotelo) - VICTORIA CF 1. Na ida: 0-1
Final: ORZÁN SD CADETE - RC CELTA, mañá sábado 31 de maio ás 19:30 no campo de O Viso (Arzúa)
Liga Galega infantil, segunda fase
10ª xornada (última): ORZÁN SD INFANTIL A - SCD MILAGROSA, mañá sábado 31 de maio ás 12:30 na Torre (campo 2)
Clasificación do grupo 1A: 1. Orzán SD Infantil A (xa campión), 27 puntos; 2. SCD Milagrosa, 21 puntos...
9ª xornada: ORZÁN SD INFANTIL B - SPORTING BURGO, o domingo 1 de xuño ás 10:00 na Torre (campo 3)
Clasificación do grupo 2A: 1. Orzán SD Infantil B, 18 puntos; 2. UD Cerqueda e Silva SD, 15 puntos... 5. Sporting Burgo, 9 puntos...
