O proxecto inclusivo do Dépor Genuine chegou aos alumnos do CPI Alcalde Xosé Pichel de Coristanco

O Dépor Genuine, no seu obxectivo de fomentar a inclusión na comunidade e aumentar a difusión do seu proxecto da Escola RC Deportivo para persoas con diversidade funcional, explicou onte xoves 1 de febreiro a súa iniciativa aos alumnos e alumnas do CPI Alcalde Xosé Pichel, en Coristanco.

Os estudantes do centro público integrado coristanqués puideron coñecer da man dun dos xogadores do Dépor Genuine, Alejandro Pereira, os obxectivos da divulgación e concienciación sobre inclusión e diversidade funcional que a Fundación RC Deportivo persegue co Dépor Genuine e a Escola RC Deportivo Diversidade Funcional.