O RC Deportivo deu un paso cara ao futuro ao converterse no segundo club español que adopta a solución de intelixencia futbolística de Iterpro nos departamentos de rendemento, médico, técnico e administrativo. Este innovador paso promete construír un ecosistema dixital que dixitalice as operacións do Club desde o terreo de xogo até a directiva.
Como parte do acordo, o RC Deportivo utilizará o software de Iterpro para dixitalizar os procesos do Club, mellorando a comunicación entre os membros do cadro, permitíndolles recompilar datos de varios departamentos e obter información crucial, desenvolvendo un marco dixital estratéxico que lles apoie na toma de decisións relativas á xestión dos seus xogadores.
Ademais de mellorar o rendemento, a colaboración tamén se centra en simplificar as funcións administrativas do Club. A tecnoloxía de Iterpro permitirá á entidade establecer unha contorna dixital orientada a automatizar diferentes facetas da actividade diaria do RC Deportivo, incluíndo a xestión automatizada dos contratos dos xogadores, o seguimento das primas, a supervisión do mercado de fichaxes e o acceso a toda esta información directamente ao seu alcance a través da Director App.
O RC Deportivo abraza deste xeito unha nova era de éxito baseado nos datos, aproveitando a solución de intelixencia futbolística de Iterpro para optimizar o desenvolvemento dos xogadores, as estratexias tácticas e a prevención de lesións. Esta asociación ten o potencial de impulsar a ambas as organizacións a novas alturas.
Nacho Lourido, responsable do departamento de tecnoloxía do RC Deportivo, afirma que "Iterpro achéganos unha plataforma moi usable para a análise do rendemento dos nosos deportistas".