Os afeccionados que asistan este venres 14 de novembro ás 19:30 ao partido de Liga F entre o Deportivo ABANCA e o Levante UD deberán acceder ao Estadio ABANCA-RIAZOR polas portas 14 e 20, sitas na Avenida de La Habana.
Atendendo ás recomendacións do Regulamento de Televisión da competición, habilitarase a Preferencia Inferior. En caso de climatoloxía adversa, permitirase ao acceso á Preferencia Superior a aqueles afeccionados que o soliciten.
Os abonados e abonadas poden retirar a súa invitación obrigatoria en calquera momento en bancada.rcdeportivo.es.
O prezo da entrada de público é de 10 euros.
Horario dos despachos de billetes do Palacio dos Deportes de Riazor
Este venres, día do partido entre deportivistas e levantinistas, abren os despachos de billetes do Palacio dos Deportes de Riazor desde as 17:30 horas.
Os abonados e abonadas que non adquirisen o suplemento do Dépor ABANCA (20 euros) poderán acudir á Oficina de Atención ao Deportivismo (OAD) para realizalo.
O horario da OAD é de luns a xoves de 9:15 a 13:30 e de 15:00 a 18:00; e o venres de 9:15 a 14:30 horas.
