Os partidos desta fin de semana en ABANCA-RIAZOR do Dépor ABANCA ante o UD Costa Adeje Tenerife Egatesa (sábado 22 ás 12:00, Dazn) e do Dépor ante o FC Cartagena (domingo 23 ás 18:30, LaLiga TV Hypermotion) foron declarados polo RC Deportivo como "O Día DÉ..." O Deporte Galego.
Por medio desta proposta, destinaranse prazas do Palco de Honra do Estadio a representantes das diferentes federacións deportivas galegas que traballan cos nosos deportistas en categoría masculina ou feminina.
En cada encontro en ABANCA-RIAZOR esta temporada tanto do Dépor como do Dépor ABANCA, máis da metade das localidades do Palco de Honra serán destinadas a un colectivo da cidadanía ou a un sector de #ANOSAFORZA, para facer a entidade máis próxima, dar protagonismo á masa social deportivista e agradecer o seu excepcional apoio unha temporada máis.
