Óscar Gilsanz manifestou na sala de prensa de Abegondo que "o día a día no Dépor e o día a día aquí en Abegondo é inmellorable. É un día a día de moito traballo, pero tamén de moitas satisfaccións. O Club está cunha aposta clara polo traballo de canteira".
O técnico fabrilista asegura que "o mellor deste Club é o traballo en grupo, o traballo en equipo, o traballo que fai a xente aquí en Abegondo. Díxeno cando gañamos a Copa de Campións co Xuvenil A, no ascenso de Tercera, e dígoo agora con esta salvación en Segunda Federación. Isto é un éxito de toda a canteira, do traballo que se fai aquí polas mañás e tamén polas tardes; desde o técnico do Alevín, do Benxamín, os condutores que traen aos mozos até o persoal de limpeza. Todo o mundo achega o seu granito de area. Ese día a día é o que fai que Abegondo sexa un lugar de traballo e unha satisfacción no día a día".
Confirmada a permanencia, queda "coa satisfacción de conseguir axuntar dentro dunha temporada os dous obxectivos que ten o filial: por unha banda a formación de xogadores e que sirva de trampolín para o primeiro equipo, que cheguen xogadores, que acheguen e que sexan importantes; e doutra banda, ser capaces de seguir competindo, e nunha categoría tan esixente conseguir manterse e ser novenos. Para os filiais adoita ser unha categoría que che esixe ao máximo. E nese sentido estamos moi satisfeitos. É a temporada da que máis orgullosos estamos co traballo realizado por ser capaces de axuntar eses dous obxectivos que ten sempre un filial cando inicia a temporada".
Finalmente, Óscar Gilsanz opina que "todo o que nos pasou é positivo, evidentemente menos as lesións. As lesións nunca son positivas, pero todo o que pasou ao Fabril é positivo: que xogadores do Fabril promociónense ao primeiro equipo é positivo para o Fabril, para o Club, para o traballo que se fai en Abegondo. Despois a esixencia nos malos momentos, as semanas nas que o equipo estaba en play out, e que os xogadores teñan que competir con esa esixencia tamén é formativo para eles".
Así pois, conclúe que "todo o que nos pasou foi bo para o Fabril, foi positivo para o Club e sobre todo para o traballo da xente que está aquí en Abegondo día a día".
