María Sampalo foi sometida esta fin de semana a probas médicas para coñecer o alcance exacto das molestias na súa cuádriceps dereito, molestias que lle impediron estar a disposición de Miguel Llorente para o último amigable de pretemporada do Dépor ABANCA, onte sábado en Braga.
Os Servizos Médicos do RC Deportivo comprobaron que a gardameta branquiazul sofre unha lesión muscular no recto anterior da coxa dereita. Por conseguinte, María Sampalo estará uns días con tratamento médico e de fisioterapia. En función da súa evolución, pasará a continuación á fase de readaptación física, paso previo ao seu regreso aos adestramentos co grupo.
