Pablo Martínez foi sometido a probas médicas para coñecer o alcance exacto das molestias que sufriu no seu xeonllo esquerdo no transcurso do encontro do pasado domingo en ABANCA-RIAZOR ante a SD Tarazona.
Os Servizos Médicos confirmaron que o defensor deportivista sofre unha escordadura do ligamento lateral interno.
Pablo Martínez estará uns días con tratamento médico e de fisioterapia. En función da súa evolución, comezará a fase de readaptación física, paso previo ao seu regreso aos adestramentos co grupo.