Pedro Mosquera foi sometido hoxe luns a probas médicas para ditaminar o alcance exacto das molestias no seu cuádriceps dereito coas que acabou a pasada semana de adestramentos.
Os Servizos Médicos do Club diagnosticáronlle unha lesión de grao 1 no recto anterior do seu cuádriceps dereito.
O futbolista coruñés estará uns días con tratamento médico e de fisioterapia; para, segundo a súa evolución, comezar inmediatamente un traballo de readaptación física baixo a supervisión de Fran Molano, paso previo ao seu regreso aos adestramentos co grupo.
