Pedro Mosquera recuperouse da contusión no xeonllo que sufriu o pasado sábado ante o West Bromwich Albion no Trofeo Teresa Herrera e esta mañá reincorporouse ao adestramento co grupo, por espazo dunha hora e media no campo da Magdalena de Vilalba.
A sesión, con só Carles Gil á marxe, foi de fútbol, con varios partidos con tarefas e con Pepe Mel repartindo constantes instrucións aos seus xogadores.
Participaron os fabrilistas Francis e Edu Expósito, aínda que este último retirouse antes ao vestiario, posto que onte tivo partido co Fabril, no Estadio ABANCA-RIAZOR, ante o Real Madrid Castilla.
Esta tarde, o equipo volverá ao céspede, ás 18:30 horas na Magdalena.
