María Gordo Perdiguero, xogadora do Deportivo Abanca máis coñecida como Perdi, visitou esta semana o Fogar de Santa Margarita, onde mantivo un encontro cos alumnos de 5ºB, nunha iniciativa enmarcada nun programa de actividades deseñado para traballar un tema fundamental como a igualdade e que pretende dar visibilidade ao deporte feminino, no que o RC Deportivo colabora con este colexio.
Perdi falou cos alumnos sobre a súa gran paixón, o fútbol. A defensa nada en Ávila relatou como foi o longo percorrido desde que se iniciou neste deporte ata que chegou a formar parte dun equipo como o Dépor Abanca.
Os alumnos realizaron decenas de preguntas a Perdi nun encontro que se repetirá en datas vindeiras entre alumnos do Fogar de Santa Margarita e xogadoras do Deportivo Abanca.
