Pablo Pereiro, director comercial do Club, mostrouse moi satisfeito co acordo alcanzado tanto con Racer como co Corte Inglés. Tamén asistiron os conselleiros do Club Felipe Marcos, Suso Rebollo e Manuel Montiel.
Antonio Fernández, responsable de Racer para España e Portugal manifestou a "ilusión e entusiamo ... por deseñar e fabricar un reloxo exclusivo para o Club. Un deseño único e diferente, deportivo e elegante, singular e con carácter, como o lpropio espírito do club".
José Manuel Branco, en representación do Corte Inglés, tamén tivo eloxios para o reloxo e o acordo con Racer e co Deportivo.
Finalmente Antonio Fernández fixo entrega a Albert Luque dun reloxo pola súa participación no anuncio promocional que foi mostrado en primicia na Deportienda.
O reloxo, unha serie limitada e numerada, ten caixa e brazalete de aceiro macizo, peche de seguridade e cristal mineral endurecido e curvo. É resistente á auga 100 metros. Ten tamén esfera con números árabes en relevo e coroa personalizada. A esfera está dispoñible en branco e en azul.
