La Voz de Galicia
Riazor espera, di o diario, que asegura que a liga de Campións chega á Coruña co partido Deportivo- Hamburgo e lembra que case 200 televisións retransmitirán mañá o partido, que Pandiani podería volver á titularidade co 4-4-2, que Lendoiro inaugurará hoxe as novas instalacións de Riazor, que o Hamburgo viaxa a Galicia con respecto cara ao Depor, que cincocentos afeccionados acompañarán ao equipo xermano, que defensas e medios asinan os goles do Deportivo, que os despachos de billetes volven abrir hoxe e a que modalidade de carné de socio amigo permite aos deportivistas facerse socio por só cinco mil pesetas. Ademais, fala o diario con Manuel Pablo, que asegura que non só sabe defender.
Deporte Campión
Arranque en quente, di o diario, que asegura que o conxunto branquiazul protagoniza o mellor comezo de Liga desde o regreso a Primeira. Ademais lembra o diario que esta Deportivo marca desde todas as liñas, que hoxe é a última sesión ante o Hamburgo, que se presenta a reforma de Riazor e que o técnico deportivista considera que se gañamos os partidos de casa, pasaremos a eliminatoria de Champions. O diario analiza ao equipo xermano, que consta dunha media atacante, se repliega rapidamente e xoga con dous extremos que rapidamente se sitúan como dianteiros. A lesión de Capdevila en Sydney é a outra novidade da xornada.
Marca
A diario Marca di que O persoal do Depor plántase por mor dos desprazamentos xa que queren un charter en todas as viaxes. O diario asegura que os xogadores non entenden que o Club faga viaxes de segunda clase. Ademais di o dairio que o equipo aínda non fixou as curmás, que As Palmas presenta hoxe a Schürrer, que Lendoiro quere renovar a Djalminha tres anos máis, que Emerson é dúbida para o partido ante o Hamburgo, que Riazor podería encherse no debut da Champions, que Scaloni e Valerón piden paso a Irureta, que este é o mellor inicio de tempada desde 1994 e que hoxe se inauguran as instalacións de Riazor.
La Voz de Galicia
