La Voz de Galicia
Roy Makaay, Turu e Tristán piden paso ante o Celta, di o diario, que asegura que reivindican a titularidade con goles, do mesmo xeito que Pandiani. Os eloxios de Irureta aos dianteiros, as 3.500 entradas que quedan sen vender para o derbi, a pena de Scaloni en Betanzos, a oferta de Djalminha para xogar o domingo despois de adestrar dous días con normalidade e o debate de hoxe sobre a Cidade Deportiva de Abegondo así como todos os números de derbis previos completan as informacións relacionadas co Deportivo.
Deporte Campión
Di o Campión que o Deportivo quere a Luís Enrique, que os adestramentos agora son moi amenos polo bo momento do equipo, que Sampaio cre que non hai favorito para o derbi, que Irureta nunca perdeu con Iturralde, que Djalminha podería reaparecer, que Tristán chateó por internet, que Scaloni inaugurou a súa pena en Betanzos e toda a historia e anécdotas do derbi completan a actualidade branquiazul da xornada.
Marca
Lembra Marca que o Depor, o novato da Champions, é o único invicto, que Irureta podería facer dous equipos para o derbi, que Djalminha espera que estea Mostovoi porque lle gusta enfrontarse aos mellores, que o Depor púxose líder o ano pasado nesta xornada, que Sampaio ve no Celta un perigoso rival e que os deportivistas esperan atopar o domingo un Celta canso.
