O conxunto deportivista está integrado por Jorge Hernández, Alberto López, Adrián Garrido e Borja Vázquez do Imperator; Sergio García, Enrique Hernanz e Diego Peralta da Vitoria; Javier Redondo e Pedro Mosquera do Galicia Gaiteira; Efrén Rodríguez e Víctor Sambade do Eume Deportivo e Daniel Rodríguez do Betanzos.
O conselleiro do Club, Luís Sánchez Doporto, encabezará a expedición deportivista que está integrada, ademais, por Benito Branco, delegado, Ernesto Belo, adestrador e Antonio Rodríguez, como preparador físico. Tras os dous días de competición, os mozos gozarán dun día de visita turística pola illa para regresar o sábado á cidade herculina.
Na competición participan 10 equipos que se dividiran en 2 grupos. Os equipos participantes son os seguintes: Inter de Milán, Juventus de Turín, Ajax de Amsterdam, Manchester United, Paris Sant-Germain, Real Madrid, Barcelona, Athletic de Bilbao, Deportivo e unha selección canaria.
