Varios equipos de #ANOSACANTEIRA xóganse os seus obxectivos esta fin de semana, co Fabril e Xuvenil A na cabeza.
Mañá domingo 5 de maio a atención en #ANOSACANTEIRA está centrada no partido do Fabril en Ou Requexón (12:00, Youtube Real Oviedo) ante o Real Oviedo Vetusta, correspondente á última xornada en Segunda Federación.
Os fabrilistas buscarán polo menos o punto que lles fai falta para selar a súa permanencia sen depender doutros resultados, feito que sería "moi importante para o Club e para os futbolistas", segundo apuntou onte en rolda de prensa Óscar Gilsanz.
O outro filial, o Dépor ABANCA B, visita ao UD Mos (13:00 nas Baloutas). A falta de 2 xornadas para concluír a Tercera Federación FutFem para ser campioas as branquiazuis, segundas na táboa, necesitan gañar os 2 partidos e que o líder, o Real Avilés CF, perda os seus.
Óscar Orro conta coas baixas de Lucía Rivas, concentrada en Suecia coa selección española sub-17 na Fase Final do Campionato de Europa; e de Michi Apóstol, á que lle falta un último partido con Venezuela no Campionato Suramericano sub-20.
As futbolistas citadas son: Martina Rivas, Lucía Mariño, Celia Sousa, Paula Novo, Elena Vázquez, Antía Brage, Sara Cercido, Macarena González, Paula Monteagudo, Carmen Carballada, Laura Testa, Laura Otero, Noela e Elena López 'Cusi'; ademais de Noelia Mayo e Laura Santos, xuvenís do Orzan SD; e Emma Gandoy, cadete do Orzán SD.
En Abegondo, o Xuvenil B logrará un novo título da liga Nacional se derrota ao Atlético Coruña Montañeros CF, ás 11:00. A falta de 3 xornadas, o equipo de Miguel Figueira ten 6 puntos de vantaxe e o golaverage particular sobre o RC Celta B, segundo.
Así mesmo, o Alevín ten que gañar ao Victoria CF (10:00 en Abegondo) para proclamarse campión do grupo norte do Trofeo Conservas Calvo de fútbol 11 sen depender do resultado do CD Lugo, que chega a esta xornada empatado a puntos co branquiazuis pero por detrás na táboa por peor golaverage xeral.
En casa, o Orzán SD Xuvenil Femenino, en loita polo título da Primera Autonómica co Bergantiños CF, recibe ao PM Friol B (18:30 na Torre); e en Lugo (16:00) o Orzán SD B sub-16 Femenino de Segunda Autonómica enfróntase ao SCD Milagrosa.
Hoxe sábado 4 de maio o conxunto de Manuel Pablo aspiraba a quedar campión da División de Honra xuvenil. Segundo na táboa con 66 puntos, visitaba ás 17:30 ao ED Val Miñor Nigrán. Á mesma hora, o Real Racing Club, líder con 67, enfrontábase en Santiago á SD Compostela.
As contas eran sinxelas: os branquiazuis tiñan que gañar e os racinguistas, non gañar en Santa Isabel.
Pois o fútbol sorriu a Os Nosos. O Xuvenil A superaba ao ED Val Miñor Nigrán (1-3) e o Real Racing Club caía ante un Compos que non se xogaba nada pero que deu unha lección deportividade.
Tamén hoxe o Cadete proclamouse campión da División de Honra ao derrotar (0-7) no campo Lino Balado de Sigüeiro ao ED Xuventude de Oroso, a falta de 4 xornadas para o final.
Ademais en casa o Orzán SD Infantil A Femenino recibiu ao Club Rosalía Mera (4-0); o Orzán SD Infantil B Femenino ao Atlético Arteixo (2-2); o Infantil, en loita polo título da División de Honra, ao Ural Español CF (7-1); e o San Tirso SD Infantil ao Arosa SC (1-2).
E como visitantes o Orzán SD Cadete Femenino, xa campión do grupo 1º da Liga Galega, venceu ao Dumbría CF (0-8); e o Fabril FC Benxamín caeu co Atlético Coruña Montañeros CF (5-3).
Para o luns 6 os dous equipos alevíns ven as caras en Abegondo (19:15) na Fase polo Título da Primera A Coruña de futbol 8; e o mércores 8 o Benxamín A, esta fin de semana na Tres Cantos Cup, enfróntase ao Victoria CF ás 19:00 na Cidade Deportiva.
O calendario de partidos, cos resultados dos xa xogados, é o seguinte:
Categoría feminina
Tercera Federación FutFem, 29ª xornada: UD MOS - DEPORTIVO ABANCA B, mañá domingo 5 de maio ás 13:00 nas Baloutas (Mos)
Primera Autonómica, 28ª xornada: ORZÁN SD XUVENIL FEMENINO - PM FRIOL B, mañá domingo 5 de maio ás 18:30 na Torre (campo 1)
Segunda Autonómica, subgrupo 1º, 28ª xornada: SCD MILAGROSA - ORZÁN SD B SUB-16 FEMENINO, mañá domingo 5 de maio ás 16:00 no campo Luis Gorgoso (Lugo)
Liga Galega, subgrupo 1º, 28ª xornada: DUMBRÍA CF 0 - ORZÁN SD CADETE FEMENINO 8 (Valeria Montero, Claudia Sande -2-, Daniela Macedo, Emma Gandoy, Sofía Milhem -2- e Yanis Citoula)
Liga Galega, subgrupo 1º, 28ª xornada: ORZÁN SD INFANTIL A FEMENINO 4 (Uxía Fariña, Sarai Martínez, Bianca Ventureira e Nerea Cruz) - CLUB ROSALÍA MERA 0
Liga Galega, subgrupo 1º, 28ª xornada: ORZÁN SD INFANTIL B FEMENINO 2 (Ariana Barros) - ATLÉTICO ARTEIXO 2
Segunda Federación
34ª xornada: REAL OVIEDO VETUSTA - FABRIL, mañá domingo 5 de maio ás 12:00 no Requexón (campo 1)
Categoría xuvenil
División de Honra, 30ª xornada (última): ED VAL MIÑOR NIGRÁN 1 - XUVENIL A 3 (Zoe e Lucas -2-)
Liga Nacional, 32ª xornada: XUVENIL B - ATLÉTICO CORUÑA MONTAÑEIROS CF, mañá domingo 5 de maio ás 11:00 en Abegondo
Categoría cadete
División de Honra, 30ª xornada: ED XUVENTUDE DE OROSO 0 - CADETE 7 (Miguel de Labra -3-, Raúl, Diego -2- e Carballeira)
División de Honra, 30ª xornada: SAN TIRSO SD CADETE - CD CONXO SANTIAGO, o mércores 8 de maio ás 17:45 no Monte (San Tirso)
Categoría infantil
División de Honra, 27ª xornada: INFANTIL 7 (Guille, Sergio Cortizo -3-, Miguel, Daniel López e Javi Seoane) - URAL ESPAÑOL CF 1
División de Honra, 27ª xornada: SAN TIRSO SD INFANTIL 1 (Gandarela) - AROSA SC 2
Categoría alevín
Trofeo Conservas Calvo de fútbol 11, subgrupo norte, 11ª xornada (última): ALEVÍN - VICTORIA CF, mañá domingo 5 de maio ás 10:00 en Abegondo
Fase polo Título da Primera A Coruña de fútbol 8, 8ª xornada: FABRIL FC ALEVÍN - ALEVÍN A, o luns 6 de maio ás 19:15 en Abegondo
Categoría benxamín
Fase polo Título da Primera A Coruña de fútbol 8, 8ª xornada: VICTORIA CF - BENXAMÍN A, o mércores 8 de maio ás 19:00 en Abegondo
Fase polo Título da Primera A Coruña de fútbol 8, 8ª xornada: ATLÉTICO CORUÑA MONTAÑEROS CF 5 - FABRIL FC BENXAMÍN 3 (Nico Castro, Pablo Couso e Leo Galván)
