-Foto:@rfef.es
Samuel Fernández Leonardo 'Samu' está concentrado coa selección española sub-19 con motivo da SBS International Cup de Xapón.
O central deportivista disputou o seu primeiro partido do torneo ante Australia.
Xogou completo un partido moi serio que supuxo o seu debut internacional e que ademais acabou en claro triunfo español por 3-0.
A segunda cita de Samu será o sábado 20 de decembro ás 5:30 (hora galega, 13:30 hora local) ante a selección anfitrioa, Xapón.
O choque poderase seguir nesta ligazón.
O calendario de partidos de Samu, cos resultados dos xa xogados, é o seguinte:
Xoves 18 de decembro
ESPAÑA 3 - AUSTRALIA 0
Sábado 20 de decembro
13:30 (5:30 hora galega): XAPÓN - ESPAÑA, no Fujieda Sports Park Stadium
Domingo 21 de decembro
13:30 (5:30 hora galega): SELECCIÓN SHIZUOKA - ESPAÑA, no Estadio de Kusanagui
Samu debutou co primeiro equipo en partido oficial o pasado xoves 4 de decembro na Nova Creu Alta ante o CE Sabadell FC.
O defensor naronés adéstrase diariamente ás ordes de Antonio Hidalgo e leva 8 partidos xogados co Fabril de Segunda Federación, todos eles de titular.
Samu únese así a outros futbolistas de ANOSACANTEIRA convocados tamén por este combinado nacional, como Mella, Kevin Sánchez ou Dani Barcia.
