-Foto:@rfef.es
Samu Fernández (na foto de pé o segundo futbolista empezando pola esquerda) estivo concentrado coa selección española sub-19 con motivo de dous partidos amigables ante Noruega no Estadio Guillermo Amor de Benidorm.
Estas dúas citas internacionais serviron para preparar a Rolda Elite do próximo mes de marzo, paso previo á Fase Final do Campionato de Europa.
O segundo partido foi este xoves 19 de febreiro e o canteirán deportivista xogou completo o encontro, resolto por triunfo español por 2-0.
No primeiro dos dous encontros xogouse o pasado martes 17 de febreiro, finalizado con goleada española por 4-1.
Samu Fernández seguiu o choque desde o banco e non chegou a saltar ao terreo de xogo.
Os resultados dos partidos da selección española sub-19 foron os seguintes:
Martes 17 de febreiro
ESPAÑA 4 - NORUEGA 1
Xoves 19 de febreiro
ESPAÑA 2 - NORUEGA 0
Finalizado o encontro o futbolista naronés regresou á Coruña para incorporarse aos adestramentos no Dépor Training Center.
Samu debutou coa selección española sub-19 o pasado mes de decembro con motivo da SBS International Cup en Xapón, torneo no que foi campión.
Co Deportivo estreouse en partido oficial o pasado xoves 4 de decembro de 2025 na Nova Creu Alta ante a CE Sabadell FC.
Esta temporada, o defensor naronés suma 14 partidos co Fabril en Segunda Federación, todos eles de titular.
