O campo municipal de Fontenla acolleu o xoves 13 de xuño a presentación do DéporCampus Cabreiroá que terá lugar en Santa Comba, localidade que se estrea como sede desta actividade da Fundación RC Deportivo.
O acto de presentación contou coa participación de Alberto Romar Landeira, alcalde de Santa Comba; Patricia Val Antelo, concelleira de deportes; Sergio Prego Cancela, presidente do Xallas FC; Beatriz Velo Gerpe, vicepresidenta do Xallas FC; Bruno Prego Cancela, coordinador do Xallas FC, Alejandro Vidal, responsable de área social do RC Deportivo, e Sergio Maurente, coordinador de programa local da Fundación RC Deportivo.
A actividade terá lugar entre os días 8 e 12 de xullo, en horario de 10:00 a 14:00. O propio campo de Fontenla será o escenario dun campus destinado a nenos e nenas de entre 6 e 14 anos.
Os interesados poden consultar toda a información da sede de Santa Comba, onde xa se esgotaron todas as prazas dispoñibles, nesta ligazón.
Para calquera dúbida ou consulta coa súa inscrición, os interesados poden contactar directamente coa organización na dirección de correo electrónico deporcampus@rcdeportivo.es.
