RCDeportivo RCDeportivo RCDeportivo
Skip to main content
FUNDACIÓN

Sarria estréase como sede dos DéporCampus Cabreiroá

A localidade de Sarria acollerá por primeira vez un DéporCampus Cabreiroá neste verán de 2023 froito da colaboración entre a Fundación RC Deportivo e a SD Sarriana.

Á presentación, que tivo lugar o pasado luns 5 xuño, acudiron José López, coordinador da SD Sarriana; Raúl Fernández Leizan, adestrador da SD Sarriana, e Pablo Barros, coordinador das actividades formativas da Fundación RC Deportivo.

A actividade, destinada a nenos e nenas entre os 6 e os 14 anos, terá lugar no Estadio da Ribela durante a última semana deste mes de xuño, entre os días 26 e 30.

Os interesados poden consultar toda a información da sede de Sarria e realizar o proceso de inscrición até as 12:00 do mércores 21 de xuño nesta ligazón.

Para calquera dúbida ou consulta coa súa inscrición, os interesados poden contactar directamente coa organización na dirección de correo electrónico deporcampus@rcdeportivo.es.