Semana grande para o Dépor ABANCA, que encara a súa participación na XII edición do Trofeo Teresa Herrera prevista para o sábado 10 de agosto ás 18:30 ante o Athletic Club, un histórico do fútbol feminino nacional.
O partido será retransmitido en directo pola canle oficial de YouTube e servirá ademais de presentación do equipo deportivista, de regreso á liga F, ante #ANOSAFORZA.
Até a data, As Nosas levan dúas derrotas aínda que lonxe de Abegondo, ante dous dos equipos portugueses de primeiro nivel e aínda encima ambos con máis rodaxe que as branquiazuis.
Así pois o calendario de partidos de pretemporada das Nosas, cos resultados dos xa xogados, é o seguinte:
Mércores 31 de xullo
SC Braga 1 - Deportivo ABANCA 0
Venres 2 de agosto
Sporting CP 3 - Deportivo ABANCA 2
Sábado 10 de agosto
18:30: Dépor ABANCA - Athletic Club, en ABANCA-RIAZOR (XII Trofeo Teresa Herrera feminino, 📺Youtube RC Deportivo)
Sábado 17 de agosto
18:30: SD Eibar - Dépor ABANCA, no campo de fútbol de Unquera (Cantabria)
Sábado 24 de agosto
18:00: Dépor ABANCA - Valencia CF (III Torneo Cidade de Salamanca) no Estadio Helmántico (Salamanca)