Sete fabrilistas estiveron esta mañá co primeiro equipo
Un total de sete xogadores do Fabril exercitáronse esta mañá en Abegondo ás ordes de Cristóbal no primeiro equipo: Álex Cobo, Óscar, Edu Expósito, Quique Fornos, Carlos López, Martín Bengoa e Borja Galán.
Sen a presenza dos internacionais (Borges, Andone, Pantilimon, Valverde e Schär), hoxe adestráronse á marxe Adrián López, Carles Gil, Luisinho, que estivo cos fisioterapeutas á espera de que remitan as súas molestias no cuádriceps, e Fede Cartabia, esta semana cun programa específico individualizado.
No adestramento desta mañá, segundo consecutivo de Rubén Martínez co grupo, iso si, sen alta médica, o Deportivo arrancou cun circuíto de forza con balón. A continuación houbo un exercicio de presión e un partido táctico de área a área.
Mañá xoves, o Dépor adestrarase de novo en Abegondo ás 10:30 horas.