-Foto:@rfef.es
Antía Veiga estivo concentrada coa selección española sub-17 na Rolda 1 do Campionato de Europa da categoría que se celebrou estes días en Portugal.
Esta fase concluíu este martes 2 de decembro co terceiro e último partido, ante Portugal, na Cidade de Fútbol en Oeiras.
Do mesmo xeito que fronte a Bulgaria e Hungría, Antía Veiga xogou completo un encontro que acabou con triunfo español por 0-2.
Así pois, España acabou en primeira posición desta Rolda 1 con 9 puntos de 9 posibles; e clasificouse para a Rolda 2.
Os resultados de Antía Veiga foron os seguintes:
Mércores 26 de novembro
ESPAÑA 6 - BULGARIA 1
Sábado 29 de novembro
ESPAÑA 2 - HUNGRÍA 0
Martes 2 de decembro
PORTUGAL 0 - ESPAÑA 2
O regreso de Antía Veiga será ao longo deste mércores 3 de decembro.
Con contrato en vigor até 2028, a porteira deportivista leva até a data 6 partidos disputados de titular co Dépor ABANCA B en Segunda Federación.
Antía Veiga acaba de regresar do Mundial de Marrocos, no que España caeu nos oitavos de final derrotada por Francia na quenda de penaltis.
