Traballo táctico nunha suave sesión esta mañá en Abegondo
Fernando Vázquez comezou esta mañá cos seus xogadores dispoñibles, incluídos os fabrilistas Adri Castro e Manu Mosquera, a preparar a visita ao Zamora CF prevista para este domingo 10 de xaneiro no Estadio Ruta de la Plata (17:30, Footters).
O técnico deportivista, após un quecemento, dispuxo un traballo táctico no campo 3 do complexo branquiazul. A mañá acabou cun roldo nun día de baixa intensidade, como é habitual 48 horas antes de cada partido.
Borja Galán completou con normalidade o adestramento, aínda que o dianteiro madrileño segue de baixa médica.
Ademais dos lesionados Miku, Derik, Bóveda, Héctor e Claudio Beauvue, este pendente de avaliación médica dunhas molestias nos isquiotibiais; hoxe tiveron adestramento específico Uche, Keko e Lara.
Mañá sábado, o cadro está citado ás 11:00 en Abegondo. Ao concluír, Fernando Vázquez fará pública a lista de xogadores convocados que viaxarán ás 15:30 por estrada a Zamora para disputar o encontro co que se pon o punto e final á primeira volta da liga no subgrupo A.