Apenas dez horas despois de baixarse do autocar que trouxo á expedición branquiazul onte á noite desde a localidade rioxana de Calahorra, a case 700 quilómetros de distancia de Abegondo, o cadro deportivista volveu saltar ao céspede este mediodía na Cidade Deportiva para un novo adestramento.
A xornada matinal arrincou cun traballo preventivo dirixido por Álex Canosa, readaptador do primeiro equipo. A continuación, os titulares onte no campo da Planilla realizaron tarefas de recuperación no ximnasio e na padiola de fisioterapeutas. Para o resto, incluído o internacional costarriqueño Celso Borges, a sesión foi de alta intensidade, cun quecemento, unha roda de pases e exercicios de fútbol reducido.
Non estiveron co grupo os lesionados Valín, Menudo, Trilli e Jaime, este á espera de probas médicas complementarias na súa coxa dereita.
Finalmente, Noel e a meta xuvenil Rodrigo foron a representación de #ANOSACANTEIRA na sesión de hoxe.
Mañá luns haberá xornada de descanso. O Dépor regresa aos adestramentos o martes 14 de setembro ás 10:30 en Abegondo.
