O voo de dúas horas de duración foi estupendo, tras a comida no propio aeroporto de Santiago, os xogadores e o resto da expedicion embarcamos rumbo a Londres. O avión de linea regular, completo pola expedición coruñesa e os afeccionados que viaxan co equipo, chego á súa hora ao aeroporto inglés. No traxecto os xogadores aproveitaron o tempo para ler, durmir ou charlar. Despues o traslado ata o céntrico hotel Royal Lancaster situado xunto ao emblemático Hyde Park. Entre os afeccionados viaxa Anxo Rubio, gañador da viaxe no Deportivo en Xogo tras o sorteo especial da primeira volta, encantado coa experiencia.
A directiva case ao completo viaxa xunto aos deportivistas, incluíndo ao propio presidente Augusto César Lendoiro. Algúns membros da expedición viaxan acompañados polas súas esposas. Esta noite cearán no Hotel. Algún membro da directiva acudirá á sede da pena Superdepor de aquí de Londres para saudar aos afeccionados que, con motivo deste partido e da chegada do equipo a Londres celebran unha cea. Á primeira hora da mañá os deportivistas realizarán un tour pola cidade de tres horas de duración para regresar ao hotel Royal Lancaster para o xantar. Pola tarde, o adestramento de rigor 24 horas antes do partido.
Esperamos seguir informando de todos os movementos do equipo desde Londres.
