Yeremay entra na fase final da recuperación das molestias no seu xeonllo dereito que lle impediron entrar na convocatoria do partido ante o Sporting de Gijón.
O canteirán, como José Ángel e Jaime, realizou unha parte da sesión desta mañá entre os campos 2 e 3 da Cidade Deportiva co resto do cadro.
Estes 3 futbolistas realizaron a segunda parte cos readaptadores Nando Rodríguez e Alejandro Canosa.
Óscar Gilsanz dispuxo unha activacion con rondos, un exercicio de posesión e un partido en espazos amplos.
En rolda de prensa, Pablo Martínez explicou que "adestramos moi duro. Son partes curtas pero moi intensas".
O defensor francés, con ampla experiencia no fútbol profesional, pensa que "nos vén moi ben. Descansamos moi pouco, adestramos un pouco menos pero moito máis forte".
Están con traballo personalizado Bouldini e Dani Barcia.
Pola súa banda, Alfaro e Aarón foron os representantes de ANOSACANTEIRA.
Mañá xoves, o Dépor adestrarase de novo na Cidade Deportiva a partir das 11:00 horas na penúltima sesión antes de visitar ao Cádiz CF este sábado 30 de novembro ás 18:30 no Nuevo Mirandilla (LaLiga TV Hypermotion, M+ e Fútbol 2). "Imos xogar un partido de fútbol como ante todos os demais equipos, e a tentar gañar. É o que vale no fútbol. Acaban de descender, é un bo equipo e nós imos facer o noso xogo e tentar gañar", resumiu Pablo Martínez.
