Jorge Andrade foi intervido esta tarde na Clínica Asepeyo de San Cugat polos doutores Josep Borrell, César Cobián e Sergi Sánchez. O futbolista portugués sufriu unha ruptura completa de ambos os aleróns e tendón rotuliano a nivel da súa inserción en rótula co seu extremo distal completamente esfiañado.
Na intervención cirúrxica, os doutores procederon á
súa inserción mediante a aproxiamción rótula-tendón rotuliano con control
radiológico e plastia con tendóns semitendinoso e retrointerno como reforzo e
sutura de ambos os aleróns.
Andrade permanecerá ingresado na Clínica o próximos catro ou cinco
días. O tempo aproximado de recuperación será entre 5 e 6 meses.
10/07/2007 21:22 |
Andrade: Grazas a todos. Fun moi feliz no Deportivo
As despedidas sempre son tristes. Con todo, lévome da Coruña e do Real Club Deportivo unha chea de recordos, moitos e bos amigos e sobre todo o agarimo dunha cidade irmá ao meu país e o recoñecemento duns afeccionados que sempre me apoiaron, aínda nos malos momentos.
06/07/2007 20:26 |
Deportivo e Juventus chegan a un principio de acordo para o traspaso de Jorge Andrade
O Real Club Deportivo e a Juventus chegaron hoxe a un principio de acordo para o traspaso do futbolista portugués Jorge Andrade ao cadro italiano. O internacional portugués desprazarase nos próximos días a Turín para formalizar a súa incorporación ao histórico club italiano. Jorge Andrade chegou ao Deportivo na tempada 2002-03 procedente do O Porto de Portugal. Disputou no Deportivo un total de 157 partidos oficiais entre Liga, Champions League, Copa Intertoto e Copa do Rei e anotou tres goles, un deles, ante o Newcastle en Riazor na Copa Intertoto da tempada 2005-06, de moi bela factura.
25/05/2007 11:49 |
Coloccini volve á Selección Arxentina para un amigable en Suíza
O central deportivista Fabricio Coloccini foi citado pola Selección de Arxentina para disputar, o vindeiro sábado 2 de xuño en Basilea, un amigable ante Suíza. Por conseguinte, Coloccini únese a Andrade, Estoyanoff, Aouate, De Guzman, Bodipo e Adrián, con compromisos internacionais; ademais da preconvocatoria de Barragán e Fabricio para o Campionato do Mundo Sub-20.
