Primeiro fin de semana do ano 2017 con todos os equipos da canteira deportivista en competición oficial.
En Terceira División, o Fabril, en xeira vitoriosa de resultados, visita mañá domingo 15 ao Bergantiños, ás cinco da tarde.
Cristóbal Parralo citou a estes xogadores: Anxo, Alex Cobo, Blas, Quique Fornos, Naveira, Arnau, Edu, Manu Molina, Hugo Rama, Lucas, Queijeiro, Álex Corredera, Borja Galán, Jorge Carreón, Marcos Legaz, Borja Domingo e Jardel.
En canto ao resto de categorías, sobresae o cuádruplo enfrontamento co Lugo: en xuvenís (Xuvenil B), cadetes (División de Honra e Liga Galega) e infantís (Liga Galega). De momento, e a falta dos partidos de mañá domingo (Cadete B e Infantil A), o balance hoxe en Abegondo foi dunha vitoria (Cadete A) e un empate (Xuvenil B).
En categoría alevín, o Alevín A eliminou ao Obrero e clasificouse para a Fase Final Norte do Campionato Galego, que se xogará nunha sede por designar no mes de maio.
Por outra banda, o Alevín B iniciou cunha igualada ante o Ural a Segunda Fase, unha competición en formato de liga a dobre volta.
Tamén volveu á competición tras o parón do Nadal o Benjamín B, cun empate (4-4) en Carballo, nun choque disputado cunha fría temperatura dada tamén a hora de comezo: 10:00.
O calendario de partidos, cos resultados de hoxe sábado, é o seguinte:
