Irureta e Tristán, finalistas nos premios da UEFA aos mellores da tempada
Javier Irureta, na categoría de mellor técnico, e Diego Tristán, como dianteiro, optan aos premios das estrelas da tempada que cada ano entrega a UEFA. Ambos foron preseleccionados pola UEFA e a decisión final será dos afeccionados a través das votacións
Javier Irureta compite polo título con Vicente do Bosque (Real Madrid), Alex Ferguson (Manchester), Gerard Houllier (Liverpool), Bert Van Marwijk (Feyenoord) e Klaus Toppmöller (Bayer Leverkusen). Diego Tristán, pola súa banda, compite na categoría de mellor dianteiro da tempada con Giggs e Van Nistelrooij (Manchester), Trezeguet (Juventus), Raúl (Real Madrid) e Henry (Arsenal).
Cada categoría parte con seis posibles candidatos que quedarán reducidos a tres nunha primeira votación. O resultado final farase público na gala anual que organiza a UEFA a finais do mes de agosto, coincidindo co inicio das competicións da próxima tempada.
