RCD / NOVAS

O Dépor queda conxelado en Zamora (1-0)

10/01/2021 19:45

Nunha fin de semana marcada polas nevadas e as temperaturas baixas, ambas as circunstancias protagonizaron a previa do partido e a estabilidade dos vintedous protagonistas sobre o céspede, limpo de neve, do Ruta da Prata.

A el saltou un Dépor con seis canteiráns, cinco deles coruñeses, nunha aliñación con ausencias, por lesión e sanción, de medio cadro do primeiro equipo. En menos de dous minutos, con dous saques de esquina forzados contra Mujaid e Abad, que sacaba co pé o man a man con Guille Perero, o Zamora demostrou que saía a por o partido de inicio para despois xogar co marcador, a tensión do Dépor e as dificultades para todos de xogar ao fútbol co céspede xeado.

E o plan saíulle á perfección antes do minuto 10 cun balón pola dereita nun centro medido entre os dous centrais, para o remate de Adri Herrera, virando a cabeza e cruzando ante a estirada de Carlos Abad. Aínda que se adiantou no marcador, o Zamora non renunciou ao ataque e Dani Hernández volveuno a tentar cun disparo desde a frontal que se estrelou na defensa branquiazul, concretamente no corpo de Jorge Valín.

A mellor ocasión da primeira parte, ao final, a mellor do partido chegou case no minuto 30, dez despois de forzar o primeiro saque de esquina. Após un bo pase de Álex, Salva Ruiz armou a perna para un zapatazo que obrigou a Mapisa a rexeitar. Ese balón caeu aos pés de Adri Castro que o tentou cruzando demasiado sobre a portería local.

O Zamora aproximouse timidamente por mediación de Ramos no 35. Dous despois o pau axudou a Carlos Abad ao forzar un córner. Foron as chegadas máis claras dos zamoranos antes do descanso, respondidas por Rui Costa após un pase en profundidade de Adri Castro. O portugués ingresou na área, acomodouna, e o seu disparo estrelouse na perna de Íñigo Piña, un dos centrais branquivermellos.

A segunda parte apenas tivo historia en ningunha das dúas áreas, salvo unha ocasión local á contra após perda do centro do campo coruñés e unha aproximación de Adri Castro por zona esquerda. Nada máis arrincar tentárao Manu Mosquera nun tiro desviado. Sen disparar a porta, e só cun tiro alto de Dani Hernández a 12 minutos do final, consumiuse o desenlace do partido, no que tampouco houbo demasiados movementos de banco en ningún dos dous equipos. Nacho por Manu Mosquera a 25 do final foi o do Dépor. A el uniuse debut dun novo canteirán, Álex Barba, case no desconto polo lesionado Yago Gandoy. Será dos poucos fitos que pasen á historia do regreso do Dépor a Zamora catro décadas despois.

Zamora CF: Mapisa, Coque, Crespo, Iñigo Piña, Parra, Carlos Ramos, Juanan, Vallejo, Adri (Ángel Romero, min. 85), Perero (Valentín, min. 67) e Dani Hernández (Conejo, min. 89)

RC Deportivo: Carlos Abad, Valín, Mujaid, Granero, Salva, Bergantiños, Borges, Gandoy (Barba, min. 89), Manu Mosquera (Nacho González, min. 66), Adri Castro e Rui Costa

Goles: 1-0 Adri Herrera (min. 10)

Árbitro: Castellanos Argüeso (c. Cántabro). Amoestou a Álex (min. 49), Crespo (min. 57), Granero (min. 70), Vallejo (min. 76) e Nacho (min. 89)

Incidencias: partido da 9ª xornada do Grupo I Subgrupo A de a Segunda División B disputado no Estadio Ruta da Prata con aforo reducido a 2.000 espectadores.